A. -

"Pain" : Qui d'autre part veïst pingnier, Polir, cointoier, alignier Vallès tranchans et eaus parer Et pour leur maistre pain parer, Faire tailloirs, demander napes Et de leurs mains oster les rapes, L'un sëoir jus, l'autre troter, Et l'autre ses crotes froter, Laver et nettoier leurs mains, (...) C'estoit merveilles a vëoir. (MACH., R. Fort., c.1341, 144). Un prophete avoit en Judee, Abacuc, qui, une journee, Avoit fait viande en un pot D'orve et de lait au mieus qu'il pot, S'avoit dou pain en sa louvette Et de l'iaue en une cruchette, Pour porter ceaus qui labouroient Aus champs pour moissons qui estoient. (MACH., C. ami, 1357, 41). Messe oïsmes entierement, Bien et bel et devotement, Et puis nous alames mengier Ou nous heümes sans dangier Quanque solas et cuers demande De pain, de vin et de viande. (MACH., F. am., c.1361, 241). De la en Cracoe arriverent, Où les roys dessus dis trouverent, Qui à l'encontre leur venirent, Et moult grant joie leur feïrent. Comment il furent reçeü Honnouré, servi et peü De pain, de vin et de vitaille, De toute volille et d'aumaille, De poissons et d'autre viande, Il est moult fols qui le demande, Qu'on ne le doit pas demander, Pour ce qu'on n'i puet amender, Tant furent servi grandement. (MACH., P. Alex., p.1369, 40). Amenez selles et estriers, Roncins, courciers et bons destriers ; Pain, vin et planté de vitaille, Et gardez que becuit ne faille, Et ouvriers de toutes manieres, Fers, clos, panonciaus et banieres, Et toute chose necessaire Pour faire le chemin dou Quaire (MACH., P. Alex., p.1369, 53).

-

Pain de soile. "Pain de seigle" : Il n'avoit pas tous ses aviaus, Car souvent mangoit des naviaus, Des feves et dou pain de soile, D'un haran, d'une soupe a l'oile, Par deffaut de bonne viande. (MACH., C. ami, 1357, 104).

-

[Le pain utilisé pour célébrer la messe] : Mais il n'est nul esbatement Qui se puist penre nullement A celui qui son heritage Garde et s'onneur par vasselage, Après l'esbatement divin Qu'on fait de pain, d'eaue et de vin. (MACH., C. ami, 1357, 134). Elle fait toutes les karoles Par bours, par citez, par escoles, Ou on fait l'office divin Qui est fais de pain et de vin. (MACH., Prol., c.1377, 9).

B. -

Loc.

-

Faire d'autel pain soupe à qqn. "Lui rendre la pareille" : Après ce fait Devers Amours Loiauté se retrait, Et dist einsi, que riens n'eüst meffait, Se d'autel pain li eüst soupe fait. (MACH., J. R. Beh., c.1340, 125).

-

Pain querir/querir son pain. "Mendier" : Quant j'ay mestier d'aucun conseil, A moy meïsmes me conseil ; Ne jamais n'iray pain querant, Quant je sui fils au Roy Priant, Einsois aray toudis assez (MACH., F. am., c.1361, 219). Douceur, charité ne confort Ne truis en homme de l'eglise ; N'i a celui qui me confort, Ne que se j'estoie de Frise Venus tous nus en ma chemise, Querans mon pain de jour en jour. (MACH., L. dames, 1377, 234).

-

Pain prier. "Mendier" : Tous ceus qu'il voloit eslever, Nuls homs ne leur pooit grever ; Ceaus qu'il voloit humelier, Il les metoit au pain prier, Et ceaus qu'il haoit jusqu'a mort, Il estoient en l'eure mort. (MACH., C. ami, 1357, 29).

-

Savoir plus que son pain mangier. "Être très habile, vaillant" : La fu li princes et ses freres, Li sires d'Absur, et li peres À la dame, et le tricoplier, Qui scet plus que son pain mengier ; Et si estoit li amiraus, Qui veoit faire tous ces maus, Et puis le conte de Rohais, Et maint autre, dont je me tais, Car trop embesongniés seroie (MACH., P. Alex., p.1369, 262).

-

Mangier son pain en son sachet : Car j'estoie tous arrudis Et d'oÿr leesce assourdis ; Et, perdu mon entendement Et mon amoureus sentement, En ma bouche n'avoit loenges De dames privees n'estranges (...). Mon pain en mon sachet menjoie Sans avoir leesce ne joie ; Et aussi(s) moult me desplaisoit Tout ce qui aus autres plaisoit. Et tout ce vint par une perte Qui fu pour moy trop mal aperte, Car depuis que je la perdi Leesce a moy ne s'aherdi, N'onques puis ne fis chiere lie (MACH., Voir, 1364, 104).

C. -

Loc. prov.

-

Le pain au fol est le premier mangié : Folle largesse pour croire faux semblant M'a dessaisi du miex de ma chevance Par doulz regart qui va maint cuer emblant Où fausseté s'embat par decevance Avec biauté qui est de s'aliance Dont povreté m'a fait donner congé. Le pain au fol est le premier meingé. (MACH., App., 1377, 644).

-

On s'ennuie d'un pain mangier : Ou soit au champs ou en chambre ou en lit, Estrange femme veult chascun à li traire, Soit vielle ou jeune, d'estat grant ou petit : Estrange dame ne puet à nulz desplaire ; Mais de privée se veult chascun retraire : D'un pain mangier se puet l'en ennuier, Ce dient ceulz qui femme ont en grenier. (MACH., App., 1377, 643).

-

Qui se vuet de tout vangier, son pain ne puet en pais mangier : : Saches souvent la vois dou pueple Quel parole de toy il pueple. S'elle est bonne, ren Dieu loange ; S'elle est mauvaise, ne t'en vange, Car qui se vuet de tout vangier, Son pain ne puet en pais mengier, Mais t'amende, eins que on te somme, Si feras ouevre de preudomme. (MACH., C. ami, 1357, 127).